Соробангийн цээж тооцоолол Анзангаар хүүхэд багачуудын оюун ухааныг хөгжүүлэх, олон улсын хүүхдийн найрамдал нөхөрлөлд хувь нэмэр оруулах зорилготой "Олон улсын анзан(цээж тоо)-гийн тэмцээн Токио-2014" олимпиад энэ оны 7-р сарын 31-нд Токио хотын Шинжюкү дүүргийн Самрайзү төвд зохион байгуулагдах гэж байна. Тэмцээнд Япон, Тайван, Солонгос, Малайз, Хонконгийн соробанчин хүүхдүүд оролцох юм. Хүүхдүүд хуваах, үржүүлэх, миторизангийн төрлөөр анзан бодож уралдах юм. Төрөл бүрт 40 бодлогыг 4 минутад бодно. Зөв бодсон бодлого бүрт нэг оноо авна.

Тайванд төвтэй Олон улсын Анзан-математикийн холбооноос зохион байгуулах энэ тэмцээнд "Монгол соробан" төвийн 30 орчим сурагчид оролцохоор бэлтгэж байна. Олон улсын Анзан-математикийн холбооны Удирдах зөвлөлийн хурлаар Монголын соробангийн холбооны тэргүүн Д.Төмөрбаатарыг Дэд тэргүүнээрээ сонгосноо саяхан мэдээлсэн байна.

Токиод болох олон улсын анзангийн олимпиадын дипломын загварыг танилцуулж байна.